قصيده تتكلم عن حال بعض الفتيات في وقتنا الحاضر هدانا الله واياهم

[أول حروف الحب]

هذه قصيده تتكلم عن حال بعض الفتيات في وقنا الحاضر هدانا الله واياهم ....



هذي بنات اليوم برقع وجوال
والعبايه كتف هم يلبسوها

والراس فوق الراس طرحه مع الشال
حتى الخصال الطيبة افقدوها

يوم البنات اللي غد سبت اهمال
ويوم السبايب أهلها هملوها

الأم نامت والابو صار تمثال
والبنت راحت وين ما يسألوها

بالليل تسهر بين هاتف وجوال
وإلا على دش الفلس سهروها

أقفاي هي ما بين الأسواق وأقبال
بلا غرض راحت ولا انشدوها

اللبس تلبس كل ما يطرب البال
وفلوس لو تنقص عليها عطوها

من شافها باللبس يا ساتر الحال
يسبها ويسب من خلفوها

كومة لحم وعيون والرمش قتال
ويلا مشت كل الشباب اتبعوها

هم ما دروا لون البراقع بتنشال
ونشوف وش تحت البراقع خفوها

يرتاح من صابه من أسبابها هبال
ويشوف والله من عيونه هووها

وين البنات اللي بهم يضرب أمثال
ليت السلوم الطيبة ما تركوها

البنت زين البنات لا زانت الحال
ما هو بلبس ولا علوم خذوها

وين المراجل ما بقى غيره أرجال
ليت الشوارب واللحى حلقوها

اللي على عاره رضي الذل ينقال
ليت الكرامة ليتهم يرفعوها

ما عاد ينفع قول فيها ولا قال
لا الأم والله وإلا الابو انفعوها

أصبح ضياع البنت بسباب جوال
البنت ضاعت والأهل ضيعوها


مو كل البنات بعض البنات هذا المقصد ........




تحياتي: أول حروف الحب

[ملكة زماني]

صح لسانك اخوي
هذا حالهم لان الشباب اعطوهم وجه زيادة عن الازم
وهم شافوا نفسهم وتزبطوا
وفي الاخير خل ينفعونهم
الله يهدينا ويهديهم
الله يعطيك العافية
ودمتــ

[طائر الحب]

يعطيك العافيه اخوي على الطرح الجميل

وينقل لقسم الشعر

تحياتيـ لكـ....

[بركان الآهات]

بصراحة ما نقدر ننكر ان الكلام اللي في هالقصيدة صحيح للأسف الشديد
الله يعطيك العافية على هالموضوع ...
وبالمناسبة:
ننتظر منك قصيدو توضح حال الشباب اذا مافي مانع ......

[قمرهم كلهم]

صدقت ..
بس أعتقد كل واحد عقله براسه يعرف خلاصه
وما أعتقد إن الوالدين هم شماعة نعلق فيها خطا أولادهم
مو هم بس يتحملوه..
وتسلم يالغلا عالقصيدة
الله يقدرنا ونغير هالصورة في وقتنا الحالي
والأجيال من بعدنا

لك مني كل الشكر والتقدير
ودمت

محبة الجميع : قمرهم كلهم

[أول حروف الحب]

أشكر الجميع عالمرور واتمنى لكم التوفيق